Во септември 2004 година, 17-годишната девојка од рускиот град Уфа се шетала во градот, кога пијан таксист на улица на нападнал, барајќи да му ги врати парите кои наводно му ги должела за такси-услуга, објави „Србија данас“.

По 15 години од убиството на 17-годишната девојка во престолнината на руската република Башкортостан, полицијата конечно го пронајде убиецот и го расветли убиството.

Надлежните дознаа дека девојката која била нападната од пијаниот таксист, поради тоа што мислел дека и должи пари, воопшто не го познавала човекот.

Тогаш 32-годишниот таксист, сфатил дека нема да добие пари од девојката, поради што се налутил и започнал да ја тепа, а кога паднала продолжил да и нанесува удари со нозете се додека не прекинала да покажува знаци на живот. Тогаш, нејзиното тело го фрлил во контејнер и побегнал.

Во долгите 15 години, службениците во полицијата се обидуваа да го го пронајдат сторителот на бруталното убиство на тинејџерката, а потоа се заинтересирале за случајот за таксисот кој е во затвор поради криумчарење на дрога.

Таксистот го признал делото и сега од затворска келија чека судење за бруталното убиство.