Убиен спринтер од Еквадор додека се шетал пред трговски центар
Спринтерот од Еквадор, Алекс Квињонез е убиен во близина на својот тим во Гвајакил. Квињонез имаше 32 години, а го убиле непознати лица додека се шетал со пријател пред трговскиот центар во Гвајакил.
Смртта на Квињонез ја потврди и Роберто Ибањез, претседателот на атлетската федерација на Еквадор.
„Моето срце е скршено од болка, не можам да ја опишам празнината која ја чувствувам“, наппиша Ибањез на Твитер.
Квињонез се натпреваруваше на трките на 100 и 200 метри и настапи на Олимписките игри во Лондон 2012 година кога постави национален рекорд на 200 метри и во финалето го освои седмото место.
Најголемиот успех го постигна на Светското првенство во Катар 2019 година кога го освои бронзениот медал на 200 метри.
Тој обезбеди пласман и на Игрите во Токио, но не му беше дозволено да настапи бидејќи прескокна допинг контрола.