Професор на Универзитетот Питсбург, кој бил на прагот на „многу значајни наоди“ истражувајќи го Ковид-19, бил убиен при наводно убиство и самоубиство минатиот викенд.

Професорот истражувач, идентификуван како д-р Бинг Лиу, бил пронајден пред неговата куќа во саботата со рани од огнено оружје на главата, вратот, трупот и екстремитетите, објавила полицијата, пренесува Си-Ен-Ен.

Според досегашните наоди на полицијата, друг маж, кој бил пронајден мртов во автомобил, пукал и го убил Лиу во неговиот дом, пред да се врати во автомобилот и да изврши самоубиство.

Полицијата верува дека мажите се познавале, но истакнале дека постојат „нула индикации дека професорот е убиен само поради тоа што е Кинез“, изјавил детективот Брајан Кохлхип.

Универзитетот Питсбург објави соопштение по повод смртта на професорот и изрази длабоко жалење за неговата смрт.