Урош Б. од Дубона кај Младеновац денеска бил на распит во Вишото јавно обвинителство во Смедерево, а како што пишуваат српските медиуми тој признал дека пукал со автоматска пушка и пиштол во Мали Орашје и Дубона во група луѓе кои не ги познавал, за да го исплаши населението.

Осомничениот Урош се товари дека на 4 мај 2023 година. година во текот на ноќта, на територијата на Смедерево и Младеновац со истрели од автоматско оружје убил 8 лица, а се обидел да убие уште вкупно 12 лица.

При претресот на осомничениот и на простории што ги користел, пронајдено е поголемо количество оружје и муниција, додека бегајќи од местото на настанот, прво неовластено употребил туѓо моторно возило.

Потоа; во близина на наплатната рампа „Мали Пожаревац“ им се заканувал на таксистот и сопатничката во такси возилото со бомба и го принудил таксистот да го однесе до селото на територијата на општина Крагуевац, во куќа на неговиот вујко.

Во одбраната што ја изнесе денеска на рочиштето, осомничениот го призна извршувањето на кривичните дела, наведувајќи, меѓу другото, дека употребил автоматска пушка и пиштол во три наврати – во Мали Орашје и Дубона, за да пука во локации на територијата на Смедерево и Младеновац во неколку лица, кои биле во група која не ја познавал, со цел да го исплаши населението од споменатите населени места, информираат медиумите во Србија.

По рочиштето, Вишото јавно обвинителство Смедерево даде предлог осомничениот да се определи притвор од сите правни причини, кој предлог судијата за претходна постапка на Вишиот суд во Смедерево го прифати и му одреди притвор, бидејќи постојат околности кои укажуваат на опасност од бегство на осомничениот.

Обвинетото лице било во училишниот двор со другарите, се скарале, а потоа отишол до својот дом, земал автоматска пушка и започнал со крвавиот пир.

Како што соопшуваат медиумите, напаѓачот од автомобил во движење, кој претходно го украл, пукал во минувачи, при што прво убил три лица – две машки и едно женско, а ранил девет. Меѓу повредените имало и деца. Најмладата личност што подлегна на повредите е на 14 годишна возраст, а најстарата 25.

ВИДЕО: Сторителот на масакрот во Србија во скафандер донесен во полициска станица

ФОТО: Србија се збогуваше со жртвите од двете масовни убиства