Екипата на Работнички поведе со 1:0 во победи против Блокотехна во кошаркарскиот плејоф, откако во СЦ „Борис Трајковски“, триумфира со 87:79. Победата во полуфиналето, претставува еден вид одмазда за двата порази од Блокотехна во Суперлигата.
Дилемите околу победникот беа решени во третата четвртина во која Работнички направи серија од 13:2 со која дојде до недостижни за противникот 15 поени разлика (64:49).
Предводник на тимот од Градски Парк беше ветеранот Ѓорѓи Чековски со 25 посатигнати поени, додека голем удел во победата имаа уште и Бојан Крстевски со 21 поен, и Димитар Караџовски со 14 поени и 11 асистенции. Во редовите на Блокотехна, најрасположен за игра беше Данило Мјатовиќ со 19 поени.
Следниот натпревар од полуфиналната серија која се игра до три победи, се игра во вторник во Гевгелија.