Убедлив старт на Италија, Порторико во последната секунда до победата
Селекцијата на Италија со висока победа од 46 поени разлика (108:62) го победи тимот на Филипини ги започна настапите на Светското првенство во Кина.
Амедео Дела Вале и Луиџи Датоме постигнаа по 17 поени, додека Данило Галинари уфрли еден поен помалку.
Успешен старт имаа и останатите фаворити, Полска, Порторико и Русија.
Полска со 80:69 ја совлада Венецуела, а најзаслужен за триумфот беше Михаел Соколовски со 16 поени и девет скокови.
Русија само со 82:77 ја совлада незгодната репрезентација на Нигерија, додека Порторико кој важеше за голем фаворит против Иран, до победата дојде во последните моменти од натпреварот.
Иако победија со 83:81, Порториканците мораа да надополнуваат негатива од дури 19 поени (25:44) од првото полувреме. Сепак, со поените на Хавиер Моха во последните секунди од натпреварот, Порторико успеа да победи.