Убеден сум дека ќе го свртиме резултатот, вели бугарскиот претседателски кандидат Герџиков

Бугарија, претседателски избори, Анастас Герџиков
Анастас Герџиков во предизборната кампања / фото: ЕПА/ЕФЕ

Независниот кандидат за претседател на Бугарија, поддржан од ГЕРБ, професорот и ректор на Софискиот универзитет, Анастас Герџиков, изјави дека ја постигнала главната цел, да има втор круг на претседателските избори.

Герџиков рече дека втората цел е да се намали големата разлика со двоецот Радев – Јотова од почетокот на кампањата.

– Разликата од 30 проценти која беше голема, сега е помала и се надеваме дека следната недела ќе се израмниме, посочи Герџиков.

Тој додаде дека за бугарските граѓани, победници ќе бидат оние кои ќе успеат да состават нова бугарска влада.

Герџиков ги повика лидерите на политичките сили да вложат максимални напори за формирање на влада.

Видео на денот