Финалето во Лигата на шампионите покажа дека фудбалот повторно може да се игра пред публика, а доколку и на претстојното Европско првенство се помине во најдобар ред, тогаш од следната сезона стадионите ќе бидат исполнети до последно место, најави првиот човек на УЕФА, Александер Чеферин.

– Знаевме дека играњето без гледачи е досадно, па враќањето на публиката на стадионите предизвика силни емоции кај сите – рече Чеферин, коментирајќи ги настаните на „Драгао“ стадионот во Порто каде Челси и Манчестер сити го играа финалето во ЛШ и се помина во најдобар ред.
– Тој натпревар покажа дека полека се враќаме во нормала и доколку на ЕП се се одвива како што треба, и доколкусе прашувам јас, од есен стадионите повторно ќе бидат полни – додава Чеферин.

Што се однесува со ЕП и присуството на навивачи на трибините, првиот човек на УЕФА укажа на неизвесности кога станува збор за натпреварите кои треба да се играат во Велика Британија и Германија.
– Германија и Велика Британија се проблематични поради новиот сој на коронавирус па поради тоа без карантин ќе биде тешко или речиси невозможно да се патува посебно во Германија. За среќа,состојбите се менуваат од ден во ден и ќе видиме што ќе биде до почетокот на Евро 2020. Освен Германија, мали проблеми има и во Шкотска, додека во останатите градовите и држави се се одвива според предвиденото.