Битола денеска е во динамична форма во последната недела од предизборната кампања. Тоа што е карактеристично за Битола е дека таа е образовен, економски и енергетски центар, а во близината на неговата економска зона се наоѓа Кромберт и Шуберт, компанија која е дел и од на германскиот проект за дуално образование.

-Пред три години кога од делегацијата на германско стопанство се обратија до мене дали сме подготвени да влеземе во овој проект на дуално образование без размислување го прифатив тој проект, вели Владимир Роме, директор на средното техничко училиште „Ѓорги Наумов“ во Битола .

-Јас потекнувам од ова училиште, позната ми е техниката во целост и едноставно гледав прилика да направиме нешто интересно и за учениците и за бизнис секторот во градот… Кромберт и Шуберт е нашиот партнер во оваа зделка, на некој начин, и целта е секако поквалитетно образование, вели Роме.

Целта на дуалното образование е учење преку работа, дел од наставата се изведува во училиштето, а во втора, трета и четврта година практичната настава учениците ја работат во реална компанија.

-Тука учениците се стекнуваат со знаења поврзани со начинот на организирање на работата, а второ ќе го спознаат процесот на производство во реални услови, вели за УБ Владимир Роме – директор на средното техничко училиште „Ѓорѓи Наумов“ од Битола.

Целиот разговор погледнете го во видеото