Тројца уредници на главните белоруски независни медиуми се уапсени денеска во Минск, како и десетици други, на местото каде што требаше да започнат нови протести против претседателот Александар Лукашенко.

Попладнево, полициски возила и затворски комбиња го опколија плоштадот на кој требаше да се одржи протестот, а улиците кон плоштадот беа затворени.

Полицијата одведе десетици луѓе, според видеата на белоруските опозициски канали, а локални медиуми коментираат дека полицијата приведува и случајни минувачи.

Протести се одржуваа секоја недела во главниот град по реизборот на Лукашенко во август, за кои опозицијата тврди дека биле лажирани. По двомесечно затишје, лидерите на опозицијата на нови протести.

Белоруските власти претходно денеска предупредија дека сите демонстранти ќе бидат кривично гонети.

Повеќе од 34.000 лица се приведени од почетокот на протестите во август.

Лукашенко, кој е на власт 27 години, негира изборни измами и го обвинува Западот за поддршка на протестите.