Уапсени се двајца скопјани при заплена на 12 килограми хероин на влез во Црна Гора (ФОТО)
На граничниот премин Кула, помеѓу Црна Гора и Косово, биле запленети околу 12 килограми хероин, наменет за нарко-пазарот во Италија, а две лица од Скопје се уапсени, пренесува Блиц.рс.
Дрогата е пронајдена во автомобил „Хјундаи“ со македонска регистрација, која ја управувал А.А. (28), а на совозачкото место бил И.С. (23), двајцата од Скопје, соопштила управата на полицијата на Црна гора.
? Zaplijenjeno 1⃣2⃣ kilograma heroina❗️
➡️ Na graničnom prelazu #Kula presiječen je kanal krijumčarenja droge, a dvije osobe su lišene slobode, što je rezultat zajedničke akcije @PolicijaCG i #policija Republike Sjeverne Makedonije.@VladaMK@VladaCG pic.twitter.com/RjqB0wauqx
— Uprava policije Crne Gore (@PolicijaCG) February 23, 2020
Возилото биле претресено на влез во Црна Гора, а хероинот бил пронајден по детален преглед во добро скриен специјално направен бункер, сместен позади задните светла.
Од полицијата навеле дека во оваа акција е пресечен шверцерски канал од правец Северна Македонија, со кој хероин од Косово, преку територија на Црна Гора, е криумчарен во земјите во западна Европа.
Уапсените покрај кривичната пријава, ќе бидат приведени пред надлежен судија за сомневање за сторено кривично дело „неовластено производство, чување и ставање во промет на опојни дроги“.