Француската полиција успеа да ја пронајде и уапси жената која ја предизвика една од најголемите несреќи во историјата на најпознатата велосипедска трка, Тур де Франс.
Полицијата не сакаше да го открие идентитетот на личноста која со својот транспарент собори еден велосипедист што потоа предизвика пад на неколку десетици други велосипедисти.

Како што јавува францускиот РТЛ, жената се наоѓа во полициски притвор во Ландерно кој се наоѓа во областа Бретања. Јавноста но и полицијата стравуваа дека нема да може да се дознае идентитетот на жената која предизвика несреќа на Тур де Франс, но за нивна среќа тие ја уапсиле на најблискиот аеродром кој се наоѓа во Брест. Бидејќи аеродромот во Брест е помал, поради пандемијата на коронавирусот од него не се дозволени меѓународни летови, туку летови само до Париз, Бордо, Лион и Марсеј.

– Работите околу случајот напредуваат добро и наскоро ќе успееме да ја објасниме ситуацијата на најразумен начин. Засега сослушавме неколку сведоци и тоа се што можам да ви кажам – изјави јавниот обвинител во Брест, Камил Мансони.

Crazy crash at Tour De France 2021 🇫🇷

A fan who was holding a message to her grandparents & grinning for the cameras took out most of the peloton with a cardboard sign 🚴‍♀️ 🚴‍♂️ 🚴 #TDF2021 pic.twitter.com/OEZmiSjBE9

— Nigel D’Souza (@Nigel__DSouza) June 26, 2021