У21: Македонските надежи бркаат победа против Израел
После блескавата партија во Алмати против Казахстан (1:4), денеска македонската млада репрезентација ќе ја брка и петтата победа во квалификациите за Европското првенство во Унгарија и Словенија 2021.
Нов противник на избраниците на селекторот Благоја Милевски е селекцијата на Израел на ФФМ Тренинг центарот „Петар Милошевски“ – Скопје со почеток од 14.30 часот. Главен судија е Николас Волш од Шкотска.
Во квалификациската група „6“ води Шпанија со 19 бода, пред Македонија (13), Израел (11), Казахстан (10), Црна Гора (7) и Фарски Острови (3).
Првопласираните од сите групи и пет најдобровторопласирани ќе се пласираат на континенталниот собир.
Возвратната пресметка со Израелците ќе ја играме на 12 ноември, а последниот меч го имаме на 17 ноември 2020 година дома против Црна Гора.