Денеска во првиот натпревар ЕХФ М19 шампионатот во Скопје македонската машка младинска репрезентација загуби од Грција со 26:30 (11:16).

Со тоа играчите предводени од селекторот Кирил Лазаров ги намалија шансите за пласман во полуфиналето.

Имавме само добар старт од натпреварот кога поведовме со 2:1, па беше рамноправно до осмата минута кога на семафорот стоеше 3:3.

При негатива од 5:6 противникот направи серија од 5:0, по што грчките ракометни надежи константно до крајот на средбата водеа и не ја испуштија предноста.

Во вториот дел Грција достигна и до највисоки плус седум (22:15), нашата селекција ја даваше сета сила да го избегне поразот. Се доближивме до 25:27, но не успеавме да направиме целосен пресврт.

Најефикасни во нашите редови со по пет голови беа Илиоски и Ѓоргоски, четири забележа Митев.

Во истата група Полска претходно беше убедлива против грчката селекција со 28:17.