Твитерџии го прогласија Ердоган за мртов

Турскиот претседател Реџеп Таип Ердоган / Фото: Youtube Screenshot akparti org tr

Турските власти започнаа правна постапка против 30 лица  кои на социјалната мрежа Твитер објавија дека претседателот Реџеп Таип Ердоган починал. Тие би можеле да бидат обвинети за  ширење „дезинформации и манипулативна содржина“ пренесува АП.

Во соопштението од полицијата се вели дека осомничените се под истрага поради објавите со хаштаг „олмус“, што е турски збор што во груб превод значи „мртов е“.

Овие твитови следат по шпекулациите за здравјето на Ердоган по неодамнешното видео на кое се гледа како турскиот претседател се движи нестабилно и со потешкотии.