Туск: Трамп можеби е еден од најголемите предизвици на ЕУ

Доналд Туск
Доналд Туск / Фото: Слободен печат, Архива

Претседателот на САД Доналд Трамп претставува еден од најголемите предизвици на Европската Унија, бидејќи тој се моли за распаѓање на европскиот блок, изјави денес претседателот на Европскиот совет Доналд Туск.

Трамп ја поздрави одлуката на Велика Британија за излез од ЕУ, означувајќи ја Европа како трговски „непријател“ и ги доведе во прашање трансатлантскиот сојуз НАТО, пренесе „Ројтерс“.

– Првпат во историјата има американски претседател кој отворено се противи на обединета Европа. Тој го поддржува Брегизт и се моли ЕУ да се распадне – рече Туск во интервју за германскиот неделник „Цајт“.

Туск го опиша Трамп како политичар кој е одлучен да ја ослаби ЕУ и рече дека е можеби најголемиот предизвик на оваа организација.

Видео на денот