Туск како лидер на Европската народна партија ќе тргне во борба против популистите

Фото: EPA-EFE/ANTONIO BAT

Претседателот на Европскиот совет во заминување Доналд Туск е нов претседател на Европската народна партија (ЕПП). Тоа денес во Загреб го одлучија претставниците на народните партии на кои Туск им вети дека ќе се бори против популистите.

Туск го поддржа 491 пратеник, а против неговиот избор беа 37 претставници на конгресот на европските демохристијански партии, пренесе Хина.

Тој е првиот човек кој ќе биде челник на ЕПП од централна и источна Европа и ќе го замени Французинот Жозеф Даул, кој ја предводеше партијата од крајот на 2013 година.

Туск (62) беше единствениот кандидат за нов лидер на европската партија од десниот центар, која раководи со наголемата група на пратеници во Европскиот парламент.

На крајот на ноември му истекува мандатот за претседател на ЕС за кој беше избран во 2014 и во 2017 година.

– Подобро е да се биде претседател на ЕПП, отколку поранешен претседател на Европскиот совет – се шегуваше Туск по објавувањето на резултатите.

Тој претходно денес изјави дека не сака повеќе да биде првиот европски бирократ и дека тргнува во борба за гласачите против популистите.

Туск, кој беше активисти на синдикатот Солидарност во осумдесетите години на минатиот век, беше најдолговечниот премиер во посткомунистичка Полска (од 2007 до 2014 година).

Беше еден од основачите на центристичката партија Граѓанска платформа, членка на ЕПП која ја водеше од 2003 до 2014 година.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот