Турскиот гигант Бешикташ демантира соработка со ФК Вардар

Лажна е веста за соработка помеѓу ФК Вардар и турскиот гигант Бешикташ/фото: фејсбук/ФК Вардар

Претходно фудбалскиот клуб Вардар ја информираше јавноста дека шефот на скаутинг службата на фудбалскиот гигант од Турција Бешикташ, Бајрам Билим го посети фудбалскиот клуб Вардар.

Воедно Билим оствари средба со раководството на клубот, на која се договори долгогодишна соработка помеѓу двата клуба.

Но, сега доаѓаат нови информации, односно од турска страна се вели дека нема никаква соработка.

Ова го објави Бешикташ на својата официјална веб страница:

– Веста во медиумите дека е потпишан договор за соработка помеѓу нашиот клуб и македонскиот клуб Вардар не е вистинита. Љубезно ги молиме нашите фанови да не им веруваат во таквите вести – пренесуваат од турскиот клуб Бешикташ.

Видео на денот