20 C
Скопје

„Турски тек“ од следната година ќе ги снабдува со гас Бугарија, Србија, БиХ и Унгарија

Првиот човек на „Србијагас”, Душан Бајатовиќ, изјави дека гасоводот „Турски тек” ќе биде подготвен до крајот на годината да ги покрие потребите на Бугарија, Србија, БиХ и Унгарија, јави допсиникот на МИА од Белград.

-„Турски тек” ќе биде завршен најдоцна до крајот на годината и со тоа ќе може да се снабдуваат Бугарија, Србија, БиХ и многу брзо да се покријат и дел од потребите на Унгарија, така што нема да има проблеми во снабдувањето со гас за Србија, изјави за „Политика” генералниот директор на „Србијагас”, Душан Бајатовиќ.

„Во таа смисла, не очекуваме никакви проблеми во снабдувањето, и што е најважно, цената на гасот ќе биде слична на сегашната доколку нема значителни нарушувања на цената на нафтата”, објасни шефот на „Србијагас”.

Србија се уште прима гас само од една насока преку Украина, а од „Газпром” порачуваат дека „со пречките што можат да бидат предизвикани од трговските спорови, нашиот транзит преку гасоводите во Украина, исто така, може да биде нарушен доколку Украина не може правилно да ги одржува и да ја гарантира безбедност на нејзините гасоводи заради тековниот воен конфликт и/или недостаток на финансиски средства.

Бајатовиќ објаснува дека за да има сигурно и редовно снабдување со гас, Србија развива и алтернативно сценарио од правец на Баумгартен, најголемиот објект за складирање на гас во Европа, до кој гасот доаѓа преку гасоводот „Северен тек”.

До почетокот на транзитот низ Бугарија, во Србија ќе бидат поставени четири станици за мерење на гасот и компресорска станица. Станува збор за станици за прием на гас од правец на Бугарија, чија минимална потрошувачка е 8,4 милиони кубни метри гас дневно, како и уште три станици за одделување од системот за транспорт на гас, чија проектирана потрошувачка е од два до 4,6 милиони кубни метри гас на ден.

Поврзани вести

ВИДЕО I Индонезија: Вулканот Синабунг почна да исфрла облаци од пепел

Слободен печат

Деспотовски: Од почетокот на годинава потпишани пет договори, а се преговора со повеќе за над 300 милиони евра инвестиции

Слободен печат

СЗО: Повеќе случаи на ковид-19 се пријавени ширум светот во последните две недели отколку во првите шест месеци од пандемијата

Слободен печат

Николоски: Луѓето осудени за настаните од 27-ми април не се терористи

Слободен печат

Бајден нуди заживување на нуклеарниот договор: Иран бара „преку леб погача“?

Слободен печат

„Синофарм“ понуди поддршка на програмата Ковакс за обезбедување вакцини за сиромашните земји

Слободен печат

Остави Коментар