Основното јавно обвинителство Скопје поднесе обвинение против државјанин на Република Турција, осомничен дека сторил кривично дело фалсификување исправа.

Обвинетиот, како што информираат од Јавното обвинителство, на 25 февруари при поднесување барање за привремен престој и на 11 мај при подигање на дозволата за привремен престој на странец во Македонија, употребил турски пасош.

На оригиналната патна исправа било извршено отстранување и замена на оригиналната втора страница која содржи лични податоци и фотографија на имателот на патната исправа.

Вметната нова неоригинална страница се разликува од оригиналот по техничките карактеристики на печатење, флуоресценцијата и по конецот со кој е сошиен буклетот на патната исправа. Преправениот пасош обвинетиот го употребил како вистински во два наврати, со што го сторил кривичното дело кое му се става на товар.​