Жители во сирискиот пограничен град Рас ел Ајн се повредени при нападите на турските воздухопловни сили и артилерија врз градот и неговата околина, објави телевизијата „Ал Хадас”.

Според курдски извори, убиени двајца цивили, а околу 20 се повредени. Исто така, загинале седум курдски борци од коалицијата Сириски демократски сили, а 16 се повредени.. телата им биле пренесени во болницата во градот Ајн Иса, кој се наоѓа северно од провинцијата Рака.

Телевизијата „Ал Хадас” објави дека турските авиони извршиле вкупно 16 напади врз позиции на курдските бунтовници, врз нивни контролни пунктови и бази во населените места Мешрафија, Хирбет-Банат, Ал Асадија и Бир Нух. Густи облаци од чад се издигнуваат над тие реони.

Турција ги нападнала и градовите Дарбасија, Маликија, Камишли во провинцијата Хасака, како и градовите Тел Абјад и Ајн Иса во Рака.

#Qamishli city in NE #Syriya during the Turkish air striks. pic.twitter.com/cCfQefFE7v

— Coordination & Military Ops Center – SDF (@cmoc_sdf) October 9, 2019

Се зголемува приливот на бегалци од граничните населени места.

Курдски претставници тврдат дека напад бил извршен и врз далноводи и водоводни станици, кои го снабдуваат со вода за пиење градот Хасаку.

Утринава беше објавено дека милитантите на Исламска држава ги нападнала позициите на Сириските демократиски сили, која главно е составена од Курди. Тие сега објавија дека ги запреле сите воени операции против терористичката Исламска држава по почетокот на турската офанзива, јави ДПА, повикувајќи се не неименмувани курдски извори.

– Сега приоритет ни е да ги заштитиме границите и да се фокусираме на судирот со Турција. Сите припадници на Сириските демократски сили се мобилизирани и распоредени во областите близу границата со Турција – изјавил изворот за ДПА.