Турканици, гужви и тепачки: Кинезите панично ги празнат маркетите
Пораката од кинеското Министерство за трговија дека е неопходно да се создадат резерви на храна предизвика панично пазарење кај Кинезите.
Пораката ги повикува локалните власти да се погрижат нивните граѓани да имаат „соодветно снабдување“ со основни потреби оваа зима. Исто така, им наложува на овие влади да ги одржуваат цените на храната стабилни – што е загрижувачко во последниве недели бидејќи екстремните временски услови, недостигот на енергија и ограничувањата предизвикани од коронавирусот му се закануваат на снабдувањето.
Panic buying in China rn
(1/2) pic.twitter.com/U0LQPfYgO4— Hal L Finney (@Rest_home_chad) November 4, 2021
Паничен шопинг
Но, директивата од понеделник го привлече вниманието на граѓаните ретко како никогаш досега. Делумно, се чини дека ова е затоа што вклучува изјави за потребата локалните власти да ги охрабрат семејствата да акумулираат „секојдневни потреби“. Дури и ако известувањето не било наменето за просечно домаќинство, многумина го сфатиле како лично предупредување, пишува Си-Ен-Ен.
Владата „не ни кажа да ја складираме стоката кога избувна епидемијата на ковид на почетокот на 2020 година“, напиша еден корисник на Веибо претходно оваа недела.
Оттогаш ситуацијата ескалираше. Едно видео, објавено на кинеската социјална мрежа Веибо, покажува долги редици на купувачи во Чангжу, град во провинцијата Џиангсу. Нивните колички се полни со производи и други залихи, додека полиците на продавниците се празни.
Храната е чувствително прашање во Кина
Храната е многу чувствително прашање во Кина. Големиот глад во Кина во текот на 1950-тите и 1960-тите доведе до смрт на десетици милиони луѓе.
Трагедијата остана во живо сеќавање на многумина во земјата. И додека кинеската економија претрпе драматична трансформација оттогаш, загриженоста за безбедноста на храната сè уште опстојува: владата, на пример, неодамна објави „акционен план“ кој ги охрабрува луѓето да не нарачуваат повеќе храна отколку што им е потребно и да пријават непотребна храна во рестораните.
Кина ги мобилизира граѓаните: Правете залихи од храна, ќе биде поскапа и ќе ја снема
