Турски суд денеска ја осуди поранешната прокурдска пратеничка Лејла Гувен, на која претходно оваа година и беше одземен пратенички имунитет, на повеќе од 22 години затвор за три одделни обвиненија за тероризам, се наведува во судските документи во кои имал увид Ројтерс, пренесува Танјуг.

Гувен од Народната демократска партија (НДМ), заедно со уште двајца пратеници од опозицијата, го загуби статусот во јуни по правосилната пресуда во посебна судска пресуда дека таа е член на терористичка организација.

Западните сојузници и групите за човекови права во Анкара го осудија потегот, сметан за дел од пошироката владина акција против илјадници функционери и членови на НДМ.

Со денешната пресуда, Гувен е осудена на 14 години и три месеци затвор под обвинение за членство во терористичка организација и дополнителни осум години по две одделни обвиненија за ширење терористичка пропаганда.