Македонската одбојкарска репрезентација по вчерашниот освоен прв сет (1:3 против Финска) на дебитантскиот настап на Европските првенства, денеска ќе се обиде да дојде до нови три сета кои значат победа. Противник на одбојкарите е селекцијата на Турција, а натпреварот повторно ќе се игра од 17.30 часот.
денешниот противник не е непознаница за одбојкарите. Но, овој пат се надеваме дека токму против Турција, која веќе е совладана во минатото, ќе се впише првата победа на Европските првенство за македонската одбојкарска репрезентација. Досега Македонија и Турција имаат одиграно два пати, во Европската лига и во двата наврати славеа „спартанците“, првиот натпревар со 3:0, а во вториот дуел со 3:1.

– Уште пред стартот на ЕП, најавувавме дека Турција е поквалитетна и од Финска па и многу подобра од нас. Според она што го видовме, Турците делуваат моќно. Ние треба да дадеме се од себе и да се надеваме на лош ден на Турците – вели Филип Деспотовски.