Турција ги убедува ОН дека операцијата во Сирија ќе биде „пропорционална, одмерена и одговорна” – Слободен печат
ВестиПланета

Турција ги убедува ОН дека операцијата во Сирија ќе биде „пропорционална, одмерена и одговорна”

Синирлиоглу истакна дека Турција дејствува во согласност со членот 51 од Повелбата на ОН, што се однесува на индивидуално или колективно право на самоодбрана при вооружен напад.

Турскиот амбасадор во Обединети нации, Феридун Синирлиоглу во писмо испратено до Советот за безбедност на ОН наведе дека турската операција во северниот дел на Сирија ќе биде „пропорционална, одмерена и одговорна”.

– Како што беше случај и во претходните антитерористички операции, турскиот одговор ќе биде пропорционален, одмерен и одговорен. Операцијата е насочена само кон терористите и нивните засолништа, воени позиции и магацините за оружје – посочи Синирлиоглу.

Тој потенцира дека се преземени сите мерки за заштита на цивилното население.

Синирлиоглу истакна дека Турција дејствува во согласност со членот 51 од Повелбата на ОН, што се однесува на индивидуално или колективно право на самоодбрана при вооружен напад.

За ситуацијата во Сирија СБ на ОН денеска ќе разговара зад затворени врати на барање на пет европски држави – Велика Британија, Франција, Полска, Германија и Белгија.

Турската армија денеска, втор ден, продолжи со нападите во Сирија, при што загинаа 15 цивили, а 20 се повредени.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close