Турција ги обвини Курдите дека ослободиле повеќе од 800 борци на ИД

Фото: МИА

Турција ги обвини курдските единици за ослободување на повеќе од 800 милитанти од терористичката „Исламска држава” во Сирија.

„Турција е единствен партнер на НАТО и меѓународната коалиција во борбата против „Исламската држава” и неутрализираше повеќе од 4.000 припадници на таа терористичка организација во Ирак и Сирија. Од друга страна, Курдската работничка партија и Силите за заштита на народот ослободија повеќе од 800 затвореници само во Тел Абиџад”, се вели во соопштението на турското Министерство за национална одбрана.

Од почетокот на воената операција во североисточна Сирија, Анкара ги обвинува курдските сили за ослободување на милитантите од локалните затвори.

Курдите велат дека екстремистите успеваат да избегаат за време на нападите на турската армија, бидејќи тогаш има гранатирање и оштетување на затворските објекти.

Според неодамнешните проценки, околу 11.000 милитанти се приведени во областа, вклучително и околу 9,000 Сиријци и Ирачани, како и 2.000 лица од околу 50 други земји.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот