Турција се бори со пожари: По вчерашниот во Анталија, денес пожар и во Аланија

фото МИА

Најмалку 3 лица загинаа а над 58 се повредени во пожарот во турската покраина Анталија. Пожарот изби вчера попладне во шумата околу  туристичкиот град, а поради силниот ветер бргу се прошири и зафати неколку населби. Многу куќи и објекти се уништени, а од критичните места беа евакуирани жители и туристи.

Откако утрово пожарот беше ставен под контрола, туристите од најпогоденото место Манават на социјалните мрежи  пишуваат дека  нивниот одмор се претворил во пекол.  Пожарникарите се обидуваат да стават под контрола уште три шумски пожари во Анталија, која важи за популарна туристичка  дестинација во Турција.

Освен овој пожар од засега неутврдени причини, оган избувнал и во шумското подрачје во населеното место Јеникој во Аланија, пишува Анадолија. На терен се наоѓаат голем број екипи кои од воздух и од копно се обидуваат да го стават под контрола пожарот кој се приближи до населеното место.

Видео на денот