Тухел за „клинчот“ со Конте: Ние сме емотивни тренери
Фудбалерите на Челзи и Тотенхем ремизираа играјќи 2:2 во второто коло од Премиер лигата, а натпреварот на „Стемфорд бриџ“ го одбележа пресметката меѓу менаџерите на двете екипи, Томас Тухел и Антонио Конте.
Првата „блиска средба“ Тухел и Конте ја имаа кога Италијанецот му се внесе во лице на Германецот при првиот гол на Тотенхем, а конфликтот продолжи по крајот на натпреварот.
Things got HEATED between Thomas Tuchel and Antonio Conte after a dramatic 2-2 draw between Chelsea and Tottenham. 👀pic.twitter.com/qmKs1cUfpk
— Sky Sports News (@SkySportsNews) August 14, 2022
При поздравувањето по крајот на натпреварот, Тухел му ја стегна раката на Конте сакајќи нешто да му објасни, но за среќа веднаш реагираа луѓето од двете екипи и спречија посериозен инцидент .
По натпреварот, Тухел ја кажа својата верзија на настаните.
– Кога се ракувате, мислев дека треба да се погледнеме во очи. Очигледно имавме различни мислења за тоа, затоа беше толку емотивно. Беше среќен кога Тотенхем израмни и сето тоа доби поголеми размери. Ова е Премиер лига, а ние сме емотивни тренери – рече Тухел.
За „блиската средба“ по крајот на натпреварот, Конте и Тухел добија црвени картони.
– Црвени картони? Не беше потребно, но многу работи беа чудни. Уште една слаба одлука на судиите на наша штета.
