Тухел останува тренер на ПСЖ до 2021 година
Германскиот стратег потпиша нов договор според кој ќе ги води париските „светци“ до 30 јуни 2021 година.
Минатата година успеа да го освои Суперкупот на Франција во Шенжен (Кина), а воедно сезонава му помогна на тимот да дојде до својата осма титула во Лига 1 шампионатот.
– Среќен сум што го продолжив договорот. Би сакал да му се заблагодарам на претседателот и на целиот клуб за нивната доверба во мене. Ова само ги зголемува моите амбиции да продолжам со напорната работа. Исто така, сум многу трогнат и од поддршката на нашите навивачи и сигурен сум дека најдоброто допрва доаѓа од нас – се зборовите на Тухел.
Club announcement – @TTuchelofficial
? https://t.co/rXl5WrOmah pic.twitter.com/wsf3HTGunn
— Paris Saint-Germain (@PSG_English) May 25, 2019
Воедно задоволен од продолжување на договорот е и првиот човек на клуб и извршен директор, Насер Ал-Келаифи.
– За една година Томас успеа да донесе една фантастична енергија во секојдневниот живот на клубот, не само за играчите, туку и за целиот Париз Сен Жермен. Голем фудбалски фан кој исто така ги слуша и другите околу него. Со стручност во играта и ние сме среќни што можеме да се потпираме на неговите квалитети – рече Ал-Келаифи.