Веднаш по вчерашниот отказ на Френк Лампард, англиските медиуми го означија Томас Тухел за нов менаџер на Челси, а денеска пристигна и официјална потврда. Челси потврди дека Германецот потпишал договор на 18 месеци и е нов менаџер на „сините“.

– Сакам да му се заблагодарам на Челси за довербата која ми ја укажаа на мене и на стручниот штаб. Имам голем респект за Френк Лампард и неговата работа како и се што остави зад себе во клубот. Во исто време, едвај чекам да ја запознаам екипата и да се натпреварувам во највозбудливата фудбалска лига. Почестен сум што станав член на семејството на Челси, чувството е одлично – изјави Тухел на официјалната промоција.

Томас Тухел во Челси доаѓа откако кон крајот на минатата година доби отказ од ПСЖ кого го водеше две години и со кого играше во финалето од Лигата на шампионите 2020 година.
Тухел во Челси ќе соработува со Кристијан Пулишиќ на кого му беше тренер во Борусија Дортмунд, како и со Тијаго Силва со кога работеа во ПСЖ.