Трудо успеа да се договори со опозицијата: Останува на власт до 2025 година

Џастин Трудо/ Фото EPA-EFE/CHRIS KLEPONIS / POOL

Канадскиот премиер Џастин Трудо денеска изјави дека неговата Либерална партија постигнала договор со опозициската Нова демократска партија да остане на власт до 2025 година.

-Ова значи дека во ова неизвесно време, владата може да функционира предвидливо и стабилно, да презентира и спроведува буџети и да обезбедува услуги за Канаѓаните, рече Трудо.

Либералната партија на Трудо повторно победи на изборите во септември, но не успеа да освои мнозинство во парламентот и мора да се потпре на опозицијата за усвојување на законот.

Левичарската партија НДП ќе ги поддржи либералите на Трудо во замена за договори за плановите за фармацевтска и стоматолошка заштита, но нема да има членови во кабинетот на Трудо.

-Се договоривме да работиме заедно. Станува збор за фокусирање на тоа за што се согласуваме место за тоа за што не се согласуваме, рече Трудо.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот