Канадскиот премиер Џастин Трудо изјави дека не се сеќава колку пати го мачкал своето лице со црна боја додека бил млад, откако скандалот кој се прошири околу него се засили пред престојните избори, објави Би-би-си.

Тој мораше да и се обрати на јавноста, откако се појавија нови фотографии од минатото, каде може да се забележи дека канадскиот лидер го боел лицето со црна боја во младоста.

– Претпазлив сум за да бидам конкретен околу ова прашање поради тоа што не се сеќавам на дел од овие фотографии – изјави тој за новинарите во Винипег.

Which far-left "progressive" liberal wore it best?

RT for Justin Trudeau, like for Dem VA Gov. Ralph Northam pic.twitter.com/zVJY09Ofcu

— BlazeTV (@BlazeTV) September 19, 2019

Објавувањето на овие фотографии ја потресоа неговата кампања пред изборите закажани за 21 октомври.

Дополнително, фотографиите се срамотни за премиерот, бидејќи тој се претставува како голем борец за социјална правда, инкузивност и диверзитет.

„Црното лице“, маска која беше многу почеста во минатото, особено во забавната индустрија, вклучува белци кои го бојат своето лице со црна боја, и од многумина се смета за расистичка карикатура и навреда кон афроамериканците.