Многу спортисти, играчи се наоѓаат во домашна изолација, карантин, многу натпреварувања се одложени.

Легендата на македонското борење, Шабан Трстена исто така се вклучува во борбата за спречување на ширењето на коронавирусот.

„ЗЛАТНА ПРИКАЗНА“: Пред 35 години Трстена стана најмладиот олимписки шампион!

Денеска се огласи на својот Фејсбук профил и апелира до луѓето да останат дома:

– По секој предизвик се брише поразот или победата, ајде да ја напишеме историјата заедно, како победници. Народе, јас останувам дома, ве молам, останете и вие – напиша Трстена на Фејсбук.

И пред четири дена имаше објава на Фејсбук во која вели дека како млад спортист секојдневно пред да почне со тренинзи му се молеше на Бога да му помогне со тоа што ќе му даде што повеќе здравје и бескрајна волја за да тренира што повеќе со една единствена цел – постигнување на врвни успеси.

– И сега секојдневно му се молам на Господ да го спаси нашиот народ од оваа светска закана поради коронавирусот, со повик и до моите сограѓани да бидат внимателни во овие кризни денови и да ги испочитуваат препораките на релевантните државни органи и на нашите лекари. Пред сè за здравјето на нашите деца – се зборовите на Трстена.