Трошановски за „Слободен печат“: Политички напредок со Бугарија ќе нема, барем да извлечеме економски бенефит

Нема да се најде решение сѐ додека Бугарија инсистира да ни наметне преговори за нашиот македонски идентитет, вели Марко Трошановски од Институтот за демократија за „Слободен печат“. Тој е песимист дека оваа година ќе има некаков исчекор во европската интеграција на Македонија, но додава дека разговорите меѓу двете земји мора да продолжат.

– Македонската страна нема да прифати да разговара за идентитетските прашања со Бугарија, уште помалку тие прашања да станат дел од преговарачката рамка. Но, иако нема да не доведат до членство во ЕУ, овие разговори со Бугарија не смеат да престанат. Двете држави треба да извлечат максимален економски бенефит од изградбата на патишта, пругата, соработката на компаниите итн. Но, нема да се случи некој значаен политички исчекор – вели Трошановски. 

Прочитајте и...  Оштетени штедачи на Еуростандард: Дали и докапитализацијата од 10 милиони евра е дел од криминалот?

Прашањата за кои денеска се дискутира во мешовитата истoриска комисија, како употребата на придавката македонски во записниците од состаноците или името на самата комисија според Трошановски не се несуштински и се дел од рамката во која оваа комисија ќе ги решава отворените прашања од историјата.

На прашањето дали комисијата премногу се занимава со политика и излегува од мандатот што го има со Договорот за добрососедство, Трошановски вели:

– Затоа и велам дека сме во ќорсокак и дека скоро нема да има решение, барем не во текот на оваа 2021 година. Она што Бугарија го сака е да ни наметне идентитет, тоа е нивната цел – вели тој.

Поврзани вести

Демонстранти упаднаа во владината зграда во Ереван

Слободен печат

Нов протест напладне пред влада – излегуваат организаторите на свадби и други настани

Слободен печат

Во текот на пандемијата, 446 нови вработувања во јавното здравство

Слободен печат

Шахпаска: Секој има право на достоинствен живот без оглед на возраст, пол, расна и етничка припадност

Слободен печат

Форбс: САД признаа дека Ф-35 се неуспех

Слободен печат

Нема ли тајвански вакцини, бидејќи оние од Кина ќе стигнат на кинеско куково лето

Ана Анастасовска

Остави Коментар