Денешниот биланс на заболени од корона вирусот донесе зголемен број на позитивни лица на Ковид-19 во Пијанечкиот регион. По подолго време на листата се најде и Делчево со три нови случаи, за кои овдешните лекари информираат дека се работи за пациенти од Македонска Каменица, кои поради административни процедури фигурираат како заболени од Делчево.

„Тие се поврзани со случајот кој пред неколку дена се појави во Македонска Каменица, повеќето се без симптоми и со лесна клиничка слика“, информираа лекарите.

Со инфицираниот со коронавирус во Македонска Каменица кој беше регистриран завчера, бројката на позитивни од почетокот на пандемијата во регионот на Пијанец изнесува пет случаи, од кои во моментот четворица се активни на Ковид-19.

Од општините во регионот освен во Македонска Каменица, како активен се води и еден случај во Берово.