Трите најпопуларни плажи на Тасос се затворени за туристи

Фото: Принтскрин / Instagram

Високите температури во Грција ги принудија властите да воведат мерки за заштита на населението и туристите. На популарниот остров Тасос е забранет пристапот до одредени плажи поради екстремните горештини и ризикот од пожар, јавуваат локалните медиуми.


Плажите кои одреден период ќе бидат забранети да се посетуваат се Порто Вати, Мермерната плажа и Рајската плажа. Овие плажи се едни од најпосетуваните од страна на туристите и омилени кај инфлуенсерите бидејќи нивната рајска убавина е совршена за креирање на неодоливи летни фотографии.


Освен по плажите, ограничен е сообраќајот и на одредени шумски патишта, а се препорачува да не се оди во селата во внатрешноста на островот, како Теологос, Казавити, Кастро, Мариес.

Поради сушата и силните ветрови, ризикот од пожар е многу голем, особено во јужна Грција. Оваа состојба ќе трае неколку дена, предупреди грчкото биро за метеорологија, а пренесува Новости.рс.

 

Видео на денот