Трипуновски: Третиот пакет мерки во земјоделството се чиста измама
Мерката зелена нафта е уште една манипулација на Заев и Владата, вели заменик министерот за земјоделие, Цветан Трипуновски.
По најавите дека во 2020 година ќе ги намали трошоците за гориво на земјоделците, Зоран Заев и Владата со владина уредба шверцерски скратија 100 милиони денари од оваа мерка, обвини дополнителниот заменик министер за земјоделство, Цветан Трипуновски.
Според него станува збор за уште една манипулација со која средства наменети за зелена нафта се префрлени на стафка на неисплатени субвенции од претходните години.
– Со овој потег првин ги излажаа земјоделците дека ќе им дадат поддршка при купување на нафта во висина од 50% од потребната количина, а воедно и признаваат дека дефицитот во буџетот за земјоделие е огромен, а долговите кон земјоделците милионски, вели Трипуновски.