Тридневен карантин воведоа австралиските власти во третиот по големина град во државата, Бризбејн, како обид да се спречи ширењето на поинфективната, британска варијанта на коронавирусот.

Карантинот се однесува за околу два милиони жители на главниот град на државата Квинсленд. Тие нема да може да го напшуштаат домот од 17 часот по локално време, освен за неопходна работа, здравствени причини, шопинг или вежбање.

Во изминатите 24 часа беа пријавени уште четири локално пренесени инфекции, со што вкупниот број на случаи во новиот кластер поврзан со британската варијанта достигна седум.

Премиерката на Квинсленд, Анастасија Палашчук, потсети на успехот на тридневната блокада во Бризбејн на почетокот на јануари, откако беше откриен случај на британска варијанта на коронавирусот.