Тричковски во друштво на Мбапе, Левандовски, Кејн..(ФОТО)
За најновото коло одиграно во периодот од 21-27 октомври блескаше македонскиот репрезентативец за кипарскиот клуб на АЕК Ларнака.
Оваа сезона одлично ја започна во дресот на кипарскиот клуб АЕК Ларнака, од шест мечеви има девет голови и е прв стрелец во шампионатот. На последниот меч пред два дена постигна три погодоци во ремито со Енозис.
Големо признание за нашиот играч кој се најде меѓу најдобрите голгетери во Европа, на врвот е Килијан Мбапе кој за својот ПСЖ за пет дена постигна пет голови (три во ЛШ против Клуб Бриж, а два против Олимпик Марсеј во „Лига 1“).
Тоа секако го радува и нашиот селектор Игор Ангеловски, но кога станува збор на репрезентативен план, Тричко одамна немал постигнато погодок.
Последниот гол го имаше дури на 6 септември 2018 година во УЕФА Лигата на нации дома против Гибралтар (2:0). Оправдано поради повреда ги пропушти октомвриските квалификациски мечеви за ЕП против Словенија и Полска.
Очекуваме одново да добие повик од А селекцијата за последните два мечеви од квалификациите за ЕП на гости кај Австрија и дома против Израел и евентуално да го прекине негативниот „пост“.
