Три рецепти за домашни сокови полни со електролити: Закрепнуваат од стомачен вирус и дехидратација
Кога сте изморени, исцрпени, закрепнувате од некој стомачен вирус и кога сте изгубиле многу течност, недостатокот на електролити може да го надоместите со квалитетни и изотонични пијалаци.
Не мора да ги купувате – едноставно можете да ги направите сами, а најдобро е да користите органски состојки.
Домашните изоточни пијалаци на вашиот организам ќе му обезбедат природни и најдобри хранливи материи и брзо ќе ве вратат во форма. Тие се и квалитетно решение за кревање на енергијата и јакнење на организмот, а воедно ќе бидат и вкусно освежување идеално за сите генерации.
Ви донесуваме три одлични рецепти за изотонични пијалаци полни со електролити.
1. Енергетски коктел од зеленчук
Состојки: 5 средни моркови, 1 домат, половина главица брокула, 1 дланка свеж магдонос, 1 лимета, 2 мали парчиња свежо рендан ѓумбир.
Подготовка: Измијте ги и ситно исечкајте ги сите состојки. Ставете ги во соковник или блендер. Процедете го сокот, па уживајте во здравата напивка.
2. Сок од зеленчук и ѓумбир
Состојки: 4 големи моркови, 2 цвекла со средна големина, 2 црвени пиперки, 1 парче корен од ѓумбир.
Подготовка: Излупете го цвеклото, пиперките исчистете ги од семките. Измијте ги и сите состојки ситно исечкајте ги. Ставете ги во соковник или во блендер. Процедете го сокот, па желба разладете го и пијте го.
3. Напивка против дијареја
Состојки: 1 литар вода, 6 лажици мед, половина лажичка хималајска сол.
Подготовка: Измешајте ги сите состојки и во текот на денот полека пијте го пијалакот.