Три ракети погодија ирачка воздушна база со американски војници, нема жртви

Три ракети погодија ирачка воздушна база, во која има и американски трупи, без да предизвикаат жртви, изјави портпаролот на коалицијата предводена од САД.

Полковник Вејн Марото, портпарол на меѓународната коалиција во Ирак, објави на Твитер дека базата Аин ал-Асад била „нападната од три ракети” рано попладне.

„Ракетите паднаа во базата. Нема повредени, а штетата се проценува”, напиша Марото.

Нападот врз Аин ал Асад во западната провинција Анбар е последен во низата напади врз американски трупи во Ирак, за кои Вашингтон ги обвинува милициите поврзани со Иран.

Американските сили, чии 2.500 војници се стационирани во Ирак како дел од меѓународната коалиција за борба против џихадистичката група Исламска држава, се нападнати повеќе од 40 пати оваа година.

Досега ниту една група не ја презеде одговорноста за нападот, кој се случи една недела по смртоносните воздушни напади на САД врз проиранските борци и во Ирак и во Сирија.

Пентагон соопшти дека рациите се одмазда за напади против американските интереси, а државниот секретар Ентони Блинкен рече дека тие испратиле „јасна порака” да не продолжуваат со нападите на американските сили

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот