Одредени парчиња облека најдобро стојат кога се точно ваш број, но некои е подобро да ги имате во еден број поголеми, особено ако се изработени од памук или волна.

Можеби овие модни совети ќе ве зачудат, но вистина е дека се далеку попрактични кога не се „залепени“ за вас.

Волнена облека

Џемперите и волнените фустани купете ги еден број поголеми. Волната не изгледа добро кога е припиена до вашето тело. Само еден број поголемо парче ќе биде многу поудобно и нема да се деформира брзо. За перење, следете ги упатствата на етикетата.

Кошула

Кошулите во која било боја ќе ви стојат подобро ако се еден број поголеми од вашиот. Кошулата која не е залепена за вас изгледа многу попристојно и поелегантно.

Маички со кратки ракави

Тие се дел од „кежуал“ стилот, па нема зошто да се плашите да носите пошироки маички, кои во исто време се далеку поудобни од припиените.