Три лица се осомничени за неовластено производство и продажба на марихуана

Основното јавно обвинителство Скопје донесе Наредба за спроведување истражна постапка против тројца 38-годишници за кои постои основано сомнение дека сториле кривично дело – Неовластено производство и пуштање во промет на наркотични дроги, психотропни супстанции и прекурсори. За сите тројца е побаран притвор поради околности кои укажуваат на можно бегство.

Како што соопшти Јавното обвинителство, двајца од осомничените, како соизвршители, неовластено произведувале и држеле наркотична дрога – марихуана. За таа цел, едниот осомничен ги ставил на располагање дворот и просториите од семејната викенд-куќа во Визбегово. Другиот осомничен, пак, бил затекнат во дворот од куќата во момент кога ги кастрел цветовите од стеблата и ги мерел по тежина за натамошно пакување. При претрес на локацијата биле пронајдени 15 растенија канабис со поединечна висина од 19 до 80 сантиметри, девет свежо искршени гранки со лисја и врвни делови, 20 искршени и делумно соголени гранки со лисја и вршунки канабис, како и дигитална вага.

Прочитајте и...  Претрес во велешко, приведено лице поради палење автомобил

Во домот на третиот осомничен, пак, на улица „Христо Смирненски” биле пронајдени и одземени 99,72 грама наркотична дрога – марихуана, како и 2,8 милилитри хашиш смола во два шприца.

Бидејќи постојат околности кои укажуваат на опасност од бегство и можност да го повторат делото, надлежниот јавен обвинител до судијата на претходна постапка од Основниот кривичен суд Скопје достави предлог за определување мерка притвор за сите тројца осомничени.

Поврзани вести

Во Мала Речица уапсен газда на локал

Слободен печат

Претрес во велешко, приведено лице поради палење автомобил

Слободен печат

Автобус и три автомобила се судрија во Сопиште, повредени неколку лица

Слободен печат

Во Берово уапсени тројца мигранти од Сирија

Починат маж донесен во Ургентен центар, додека пиел чај му се слошило

Слободен печат

Две семејства се тепале во скопско Кондово, двајца завршиле на клиника

Слободен печат

Остави Коментар