Три лица обвинети за терористички активности во Данска, судењето закажано за ноември

Данска полиција / Фото: EPA-EFE/Olafur Steinar Gestsson DENMARK OUT

Три лица се обвинети за набавка на хемикалии со намера да направат бомби, соопштија денеска данските обвинители, посочувајќи дека тројката планирала терористички напади, јави ДПА.

Според соопштението, меѓутоа, не е јасно дали бомбите за кои групата е обвинета било планирано да се користат во Данска или во други земји.

Обвинителката Лис-Лоте Нилас изјави дека плановите на тројцата обвинети им биле спречени, кога двајца од мажите во групата, на возраст од 22 и 23 години, биле приведени. Трагата од нив ги довела до третиот член, 39-годишна жена обвинета за финансирање на терористичките операции на ќелијата.

ДПА додава дека тројката била приведена во декември 2019 година.

Жената, исто така, е обвинета дека им помогнала на членовите на терористичката група Исламска држава да комуницираат преку Интернет и да формираат профили на социјалните мрежи.

Случајот се очекува да почне во судот во Копенхаген во ноември.

Извор: МИА

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот