Денеска во рамките од шестото коло во најсилното шпанско фудбалско првенство („Ла Лига“) Еибар приреди изненадување совладувајќи ја Севиља со 3:2.

После првото полувреме водеше Севиља со 0:2, Окампос донесе водство во 11 минута, а истиот играч асистираше до Торес во 33 минута. Во вториот дел се случи комплетниот пресврт на Еибар, најпрвин во 66 минута од пенал успеа да намали Орељана, а израмни Леон 11 минути подоцна.

Конечниот епилог за голема радост на трибините на „Ипуруа“ го постави Коте со еден прекрасен погодок од слободен удар.

За Севиља ова е веќе втор пораз по ред и моментно на седмата позиција со 10 бодови, а прв триумф на Еибар со пет бодови на 16. позиција во генералниот пласман.

Се одигра уште еден меч од рундата, Селта Виго пред своите гледачи ремизираше со 1:1 против екипата на Еспањол.