Три до четири часа се чека за влез во Грција: На граѓаните им се дели вода

Фото: МИА Архива

Три до четири часа се чека за влез во Грција поради бавно обавување на граничните формалности на грчка страна, а меѓуграничнот простор речиси е споен со возила од македонска страна.

МВР соопшти дека во делот на Република Северна Македонија нема застој и поминувањето на границата е без проблеми, но се создава застој на грчка страна.

Возила со туристи наидуваат во бранови, но тие за десетина минути по обавување на задолжителните царински и полициски формалности се пропуштаат, така што подолги задржувања на наша страна не се забележани за влез во Грција.

На граѓаните кои чекаат за влез во Грција им се дели вода додека се во граничниот простор, додава МВР.

И од дежурната служба на граничниот премин Богородица велат дека на македонска страна нема застој, и е регистрирана вообичаена зголемена сообраќајна фреквенција и оти од спротивната страна на границата грчките колеги побавно ги обавуваат своите должности од за нив непознати причини.

Поради тоа возилата за влез во Грција се задржуваат, чекаат од три до четири часа во меѓуграничнот простор кој речиси е споен со возила со македонската страна.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот