Познатиот германски моден бренд на женска облека Гери Вебер, со традиција од 1973 година, следната година ќе го воведе т.н. четиридневна работна недела во своите продавници во Германија.

Тоа е модел на работно време според кој вработените се на работа четири дена во неделата наместо вообичаените пет.

Според шефицата на компанијата, Анџелика Шиндлер-Обенхаус, во иднина, вработените можат да избираат дали да го распределат своето неделно работно време на четири или пет дена во неделата. Единствен услов е координација со менаџерот, бидејќи продавниците треба да продолжат со работа од понеделник до петок. Понудата се однесува за вработени со полно и со скратено работно време“, велат од компанијата.

Повеќе од десет години модната куќа го има мотото: „Работи кога сакаш“. Со почетокот на пандемијата на корона, додадена е „Работи каде сакаш“. И други компании во Германија и во странство исто така експериментираат со алтернативни модели на работно време, како што е четиридневната недела, пишува списанието Феникс, пренесува Пословни дневник хр.