Македонија моментно е во Италија каде што учествува со сениорска и јуниорска репрезентација во кајак спуст на диви води.

Во Мецана на реката Ноче, во петокот беа првите настапи при што во сениорска конкуренција се натпреваруваше Александар Златаров кој се пласираше на 16 место и Љубомир Спасиќ на 22 позиција.

Во јуниорска категорија настапуваа Кристијан Лазаров со пласман на 21 место и Благој Гугинов на 25 место.

Во склоп на овој натпревар се одржа и национален шампионат на Италија каде што сите земји учеснички на европскиот куп учествуваа во тимско возење во сениори на кое Македонија во состав на подмладена екипа и со јуниорскиот натпреварувач Кристијан Лазаров и двајцата сениори Љубомир Спасиќ и Александар Златаров се пласираше на третото место.

Првопласирани беа Швајцарците, а на второто место се најде Италија. В недела (3 јули) македонските кајакари исто настапуваат во третото коло од Европскиот куп на истата патека.