Трета среќа: Медведев најдобар во Синсинати – Слободен печат
ОстанатoСпорт

Трета среќа: Медведев најдобар во Синсинати

Русинот Данил Медведев го освои трофејот на турнирот во Синсинати, откако ноќеска во финалето го совлада Белгиецот Давид Гофан.

Во меч што траеше еден час и 41 минута, Медведев го доби првиот сет со 7:6, додека во вториот славеше со 6:4.

По овој успех, Русинот за првпат се најде меѓу првите пет на АТП ранг листата. За него ова беше трето АТП финале по ред, во претходните две (Вашингтон и Монтреал) беше поразен.

Во женското финале Американката Медисон Кијз со 2:0 по сетови 7:5 и 7:6 (5) ја совлада Светлана Кузњецова од Русија.

Претходно Медведев успеа да го елиминира и првиот светски рекет, Новак Ѓоковиќ.

Наградниот фонд во Синсинати изнесуваше шест милиони долари. Овој турнир беше како загревање пред одржувањето на последниот грен слем годинава, „УС Опен“ кој што ќе стартува на 26 август.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close