Италијанскиот весник Ла Верита сабајлево објави нова, трета снимка на која се слушаат телефонски разговори помеѓу осомничениот од случајот „Рекет“, Бојан Јовановски – Боки 13 и бизнисменот Орце Камчев. Според весникот во снимката покрај нивните гласови, се слуша и гласот на специјалната јавна обвинителка Катица Јанева.

„Многу сум ангажирана затоа не ја држам така редовно под контрола, инаку без мене она не може ништо“ се слуша како вели женскиот глас, за кој весникот вели дека е Јанева, по зборовите на Боки 13, дека Камчев се плашел од обвинителката што го води предметот „Империја“, Лиле Стефанова.